Dr Stephan VII. (VIII.) (* wohl z Rom; † Februar 931, begrabe z Rom) isch Papscht vu Mai 929 bis Februar 931 gsii. Är soll remischer Abstammig gsii syy, dr iberliferet Name vu sym Vater, Theudemund, chaa aber au uf e germanischi Härchumft wyse.
Dr Kardinalprieschter Stephan isch no zue Läbzyte vum abgsetzten un yysperrte Papscht Johannes X. vu dr remische Senatrix Marozia as Noofolger vum Papscht Leo VI. yygsetzt wore.[1]
Us em churze Pontifikat vu nume zwai Johr sin nume wenig, uugsichereti Informationen iber d Privilegierig vu Chleschter iberliferet. Zem Byschpel heb dr dr Gérard de Brogne, dr Grindeabt vum Reformchloschter Brogne, gschafft, ass des bstetigt wird.